Сезонава го гледаме најлошиот тим во историјата на Премиер лигата

Екипата на Вулверхемптон сезонава само чудо ќе ја спаси од испаѓање од Премиер лигата, бидејќи по првите 18 кола од шампионатот, тимот има освоено само два бода од можни 36, учинок каков што досега не е забележан во најсилната англиска фудбалска лига.

Со тоа „волците“ го срушија и претходниот негативен рекорд што го држеше Шефилд јунајтед од сезоната 2020/21, кога по 18 натпревари имаше пет бода.

И покрај тоа што во последните неколку кола тимот прикажа поцврста игра и им пружи силен отпор на фаворити како Ливерпул и Арсенал, на крајот беа минимално поразени.