Шпанските медиуми откриваа кои фудбалери на Реал сакаат Алонсо да биде сменет!

И покрај вчерашната победа над Олимпијакос, во Шпанија уште се пишува дека одредени фудбалери сакаат Чаби Алонсо да добие отказ од кормилото на Реал Мадрид.

Јавно сите играчи му даваат поддршка на Алонсо, но во реалноста не е така, тврди „El Partidazo de COPE“.

Според овој медиум против Алонсо се Винисиус, Родриго, Валверде, Брахим Диаз, Ендрик и Менди. А сериозни сомнежи во лидерството на Алонсо имал и Камавинга.

Претходно во текот на денот Валверде излезе со соопштение во кое му дава поддршка на Алонсо и вели дека во Реал Мадрид атмосферата е одлична.

Дали соопштението е само негово прикривање за она што излегува во шпанските медиуми или тие навистина без причина се обидуваат да креираат негативна слика, времето ќе покаже.