Билетите за последната битка на Македонија во квалификациите за СП пуштени во продажба

Македонската фудбалска репрезентација на 18 ноември во Кардиф ќе го одигра последниот натпревар од квалификациите за Светското првенство, а билетите за овој дуел веќе се во продажба.

Според прописите на УЕФА, за македонските навивачи се издвоени околу 1.500 места во гостинскиот сектор, а цената на еден билет, според одлуката на домаќинот, изнесува 2.800 денари.

Билетите може да се набават преку платформата eticket.ffm.mk. Повеќе информации за постапката за купување и добивање на билетот може да прочитате – ТУКА.

Дуелот со Велс ќе биде од клучно значење за „црвено-жолтите“ и во него Македонија ќе се бори за второто место во групата, кое би ни обезбедило подобра позиција во баражот.