Уште еден играч на Милан го крена гласот против играњето во Австралија

Голманот на Милан, Мајк Мењан му се приклучи на Адриен Рабио кој претходно ја искритикува идејата да играат натпревар од Серија А во Австралија против Комо.

Французите во Милан не се согласуваат со одлуката на клубот за играње во Австралија меч од Серија А среде сезона. Мењан смета дека е несериозно тоа со оглед што клубот се бори за високи цели.

„Се сложувам со Рабио. Денес многу работи се забораваат, а премногу се зборува за пари. Не разбирам зошто да играме дуели во странство од италијанското првенство. Нашите цели се високи и не смееме да прифатиме такво нешто“, вели Мењан.

Мечот меѓу Комо и Милан во февруари треба да се игра во Перт.