Ливерпул со гол во 92. минута го победи Атлетико Мадрид (3-2) во Лигата на шампионите.
По погодокот на Вирџил Ван Дајк во судиското продолжение „Енфилд“ буквално еруптираше. Навивачите кои се наоѓаа зад клупата на Атлетико Мадрид ја искористија позицијата и му се смееја во лице на тренерот Диего Симеоне.
Тоа ниту малку не му се допадна на популарниот Чоло, па тргна физички да се пресмета со публиката. За среќа реагираа редарите, а судијата Иштван Ковач му покажа црвен картон за однесувањето.
