19-годишниот англиски талент Тајлер Диблинг, кој досега настапуваше за Саутемптон е ново име во редовите на Евертон.
Младиот офанзивец потпиша четиригодишен договор, а „светците“ за неговите услуги ќе инкасираат околу 40,5 милиони евра, со можност сумата да се зголеми за уште пет преку бонуси.
Диблинг првпат го облече дресот на Саутемптон на само 17 години и важи за еден од најперспективните англиски фудбалери.
„Во моментов Евертон е вистинско место за мене и мојата кариера“, изјави младиот играч по потпишувањето на договорот.
Диблинг е осмото засилување на „карамелите“ ова лето. Претходно во клубот од Ливерпул пристигнаа: Џек Грилиш (позајмица од Манчестер сити), Карлос Алкараз (Фламенго), Тјерно Бари (Виљареал), Марк Траверс (Борнмут), Адам Азну (Баерн), Киернан Џјузбери-Хол (Челси) и Том Кинг (Вулвс).
We have completed the transfer of winger Tyler Dibling from Southampton for an undisclosed fee on a four-year contract.
— Everton (@Everton) August 25, 2025
Welcome to Everton, Tyler! 🔵 pic.twitter.com/bjd1kDO0Ku