Потекнува од школата на Барса, блесна во Лече и го бараше Милан – но поради срцев проблем се пензионира на 23 години!

Жоан Гонзалез на само 23 години ја заврши својата фудбалска кариера. Шпанскиот играч за врска, кој беше дел од Лече, се повлекува поради вродена срцева мана која му беше дијагностицирана пред една година за време на подготовките.

Поранешниот член на младинската школа на Барселона и проверен играч во Серија А одигра 64 натпревари за Лече, постигна два гола и запиша четири асистенции. Гонзалез во минатото беше поврзуван со трансфер во Милан, но здравствените проблеми го натераа да донесе тешка одлука и да се повлече од терените.

По завршувањето на кариерата, младиот Шпанец ќе се посвети на студии по економија, со намера во иднина да работи како бизнис менаџер и да остане дел од фудбалот, но во друга улога.