Анте Ребиќ нема да стане нов фудбалер на Хајдук. Иако двете страни водеа преговори, не успеаја да најдат заеднички јазик околу финансиските услови.
Спортскиот директор Горан Вучевиќ и управата поставиле јасна граница од 400.000 евра годишна плата со бонуси, но Ребиќ побарал околу 750.000 евра. Разликата била преголема, па разговорите биле прекинати.
Поранешниот хрватски репрезентативец има неколку други опции. Една е од Холандија, а другите доаѓаат од Блискиот Исток и Азија, каде му се нудат преку две милиони евра. Сепак, Ребиќ наводно сè уште преферира да остане во Европа.
Тој е без клуб откако на почетокот на јули му истече договорот со Лече. Претходно играше за Милан, Ајнтрахт Франкфурт, Фиорентина, Верона, Лајпциг, Бешикташ и неколку други екипи.
Фото: US Lecce/Twitter