Новинарот Дејвид Орнштајн објави дека Манчестер јунајтед доставил нова понуда вредна околу 70 милиони фунти за ангажман на Брајан Мбеумо од Брентфорд, ова е сумата која популарните „пчели“ ја побараа за продажба на Камерунецот.
Манчестер јунајтед го идентификуваше Брајан Мбеумо како топ трансфер цел за нападот, со месеци преговара за негов ангажман, и по два неуспешни обиди, се чини дека третиот ќе биде среќен.
Новинарот Дејвид Орнштајн попладнево објави дека „ѓаволите“ доставиле предлог тежок 70 милиони фунти, односно 65 милиони фунти како фиксен дел и додатни 5 милиони фунти во бонуси.
🚨 EXCLUSIVE: Manchester United make improved bid to sign Bryan Mbeumo from Brentford. New offer for 26yo forward worth £65m fixed + £5m add-ons. #MUFC awaiting #BrentfordFC response as they work to close deal for Cameroon int’l & top target @TheAthleticFC https://t.co/lStJ9k1fch
— David Ornstein (@David_Ornstein) July 17, 2025
Сега се чека одговорот од популарните „пчели“ и се очекува тој да биде позитивен со оглед на тоа дека Брентфорд постави цена од 70 милиони фунти.
Ваквиот потег на Манчестер јунајтед следува по гласините дека Њукасл ќе се обиде да го ангажира Јоан Виса поради тоа што Ливерпул им го украде Уго Екитике, а Брентфорд е подготвен ова лето да продаде само еден напаѓач – или Брајан Мбеумо или Јаон Виса, во никој случај двајцата.
ФОТО: X/Brentford FC