Шок во Минхен: Компани го исфрли од првиот тим еден од најважните играчи на Баерн од минатата сезона!

Баерн Минхен го исфрли Леон Горецка од првиот тим за натпреварот од германскиот куп кој баварците го играат вечерва.

Искусниот Горецка не се најде во плановите на Компани и тоа е јасен показател дека може да биде продаден до крајот на преодниот рок. Инаку, Горецка во минатата сезона беше еден од најважните фудбалери на Баерн и одигра 42 натпревари.

Според информациите на германскиот „Скај Спорт“, тренерот Компани има визија каков среден сака и Горецка не е во тие замисли. Поради тоа тој го исклучи од составот и сака да го продаде ова лето. Во овој момент не е познато која би била цената за која Баерн ќе го продаде.