Зинедин Зидан вчера беше на трибините и во живо го гледаше натпреварот во кој Баерн Минхен беше елиминиран од неговиот поранешен клуб, Реал Мадрид.
Францускиот стратег со Реал Мадрид трипати ја освојуваше Лигата на шампионите, па поради тоа и јасно е за кого навиваше, а на крајот можеше и да биде среќен.
Фановите од трибините ја снимија и реакцијата на Зидан во ВИП ложата по голот на Хоселу за победа во последните моменти. Реакцијата на Французинот беше слична како и кога Роналдо го постигна познатиот гол со „ножички“ против Јувентус кога тој беше на клупата.
