Европската фудбалска федерација – УЕФА од оваа сезона ја „искомплицира“ ситуацијата и понуди поголема забава за навивачите со воведување на лигашки дел во Лигата на шампионите. Сите 36 екипи се на една табела, првите осум најдобропласирани одат директно во осминафинале, а оние од деветтото до 24. место ќе играат уште една плеј-оф рунда.
Твитер профилот „Football Meets Data“ прави симулации и калкулации според која вади просечна шанса во натпреварувањата. Така, одредени е колку бодови се потребни за пласман во нокаут фазата на натпреварувањето.
Пред почетокот на сезоната се веруваше дека со девет бода шансите за пласман во првата плеј-оф фаза се изгледни, а по играњето на мечевите стана сè потешко. Проблеми направија „големците“, односно Реал Мадрид и ПСЖ кои ќе треба да се изборат за своето место по лошите настапи и ја поместија границата еден бод погоре. Според 10.000 симулации, со 10 освоени бода по првата фаза на Лигата на шампионите огромна е шансата за плеј-офот.
10 pts on average give 87% chance to qualify for UCL Top 24.
— Football Meets Data (@fmeetsdata) December 7, 2024
BUT, not for everyone!
Goal difference is the key.
This is why Bayern 🇩🇪 has ~100% chance to end up in Top 24 if they reach 10 pts.
On the other hand, Sparta 🇨🇿 has only 63% chance to end up in Top 24 with the… pic.twitter.com/8fQQI2E5sS
Од друга страна, за пласман директно во осминафиналето односно меѓу осумте најдобри се потребни најмалку 16 бода. Тука улога ќе игра гол-разликата, а процентите за екипите дека со 16 бода би се нашле во првите осум варираат, во зависност од резултатите. Веќе со 17 бода поголеми се шансите за пласман во осминафинале, а 100% би завршиле меѓу осумте ако имате 18 бода.
Натпреварите од Лигата на шампионите продолжуваат денес со мечевите од шестото коло кое се игра и утре.