Се одиграа натпреварите од 15. коло на Првата македонска фудбалска лига, сите со исклучок на еден кој подоцна е закажан за в Битола.
Изненадувања во оваа рунда практично немаше, а водечки екипи се Гостивар и Силекс пред Работнички. Гостиварчани со голот на Машике го скршија отпорот на Тиквеш и славеа со 1-0, за да се одржат на водечкото место.
Силекс се радуваше во дербито на „Чаир“, каде што го совлада домаќинот Шкупи (0-2). Двоен стрелец за кратовчани беше Дарко Додев.
Работнички со пресврт дојде до убедлив триумф против Беса (4-1). Поведоа гостите преку Ракипи, но „романтичарите“ бргу израмнија со голот на Рашид. Во вториот дел со погодоците на Гандо и два на Али Регба домашните се вратија на победите во ПМФЛ по четири кола.
Нерешени 1-1 одиграа Брера и Струга во Струмица, додека без победник и голови заврши средбата меѓу Воска и Вардар (0-0).
Табела: 1. Гостивар (30), 2. Силекс (30), 3. Работнички (28), 4. Шкендија (27), 5. Струга (26), 6. Шкупи (16), 7. Пелистер (16), 8. Брера (16), 9. Беса (13), 10. Воска (12), 11. Вардар (12), 12. Тиквеш (10).