Бразилскиот бек по девет години на излезните врати на Јувентус

По девет години минати во клубот од Торино, Алекс Сандро по крајот на сезоната ќе замине од редовите на Јувентус.

Искусниот бразилски бек се реши дека е време за напуштање на „старата дама“, откако во 2015 година пристигна од Порто. Сезонава Сандро е во втор план и запиша само 17 настапи за Јувентус, па тоа веројатно е мотив плус за нов предизвик.

33-годишникот веројатно има две опции за продолжението на кариерата. Едната е секако враќање во родниот Бразил од каде има понуда од Сао Пауло, додека постои можност и да се врати во редовите на Порто и да остане во европскиот фудбал.

Во дресот на Јувентус, Алекс Сандро запиша 326 настапи и постигна 15 погодоци, а 32 пати им асистираше на соиграчите.