Атлетико Мадрид го победи Реал Сосиедад за успешен крај на сезоната (ВИДЕО)

Фудбалерите на Атлетико Мадрид триумфираа во последниот меч од сезоната во Ла Лига на гости кај Реал Сосиедад со 0-2.

Пресметката во Сан Себастијан понуди по еден погодок во двете полувремиња. Екипите немаа резултатски императив и одиграа мирен меч во кој бодовите заминаа за Мадрид.

Резултатот на „Аноета“ го отвори Самуел Лино кој во деветтата минута погоди на 0-1. По доста возбудувања и шанси во вториот дел, потврда на победата на Атлетико донесе голот на Реинилдо Мандава во последните секунди од мечот.

Атлетико Мадрид сезоната ја заврши како четврти и ќе игра во Лигата на шампионите, додека Реал Сосиедад од шестата позиција оди во Лигата на Европа.