Ѕвездата на
Челси, Хаким Зијеш јавно обелодени дека нема намера да се врати во националниот
тим на Мароко, а сево ова доаѓа по војната на зборови со селекторот на таа
репрезентација, Вахид Халилхоџиќ.
„Тоа е моја
конечна одлука, нема да се вратам во националниот тим, главниот фокус ќе го
ставам на клубот, целосно ми е јасно како функционираат работите во
репрезентацијата, а на крајот на денот, сепак, одлуките на селекторот се
негови, мораме да ги почитуваме, а сите лаги кои произлегуваат од тоа само ми
ставија јасно дознаење дека назад нема“ изјави Зијеш.
„Сите можеа да
увидат што се случуваше изминатиов период, тажен сум, чувствувам големо жалење
за навивачите но ова е моја конечна одлука“ додаде ѕвездата на Челси.
Зијеш беше
изоставен од составот на Мароко за Африканскиот куп на нации, а по
елиминацијата на таа репрезентација Халилхоџиќ јавно порача дека фудбалерот на
Челси нема да е добредојден во тимот дури и во случај неговото име да е Лионел
Меси.