Францускиот
фудбалски стратег од клупата на Реал Мадрид, Зинедин Зидан изминатиов период е
мета на повеќе критики, а најмногу поради перформанските на Лука Јовиќ, како и
Ашраф Хакими во Интер, односно Серхио Регилон во Тотнем.
Посебно се постави
дилема околу Јовиќ кој се врати во Ајнтрахт Франкфурт на шест месечна
позајмица, а 23 годишниот српски напаѓач постигна два гола уште на првиот меч.
„Среќен сум
поради тоа, ми се допадна, им посакувам на сите најдобро“ порача Зидан.
„Но, во Реал
Мадрид е комплицирано, тоа го искусив и како фудбалер, а Лука мораше да си
замине за да игра“ додаде Французинот кој смета дека не направил ништо погрешно
за да биде критикуван.
„И натаму сметам
дека беше добар потег да се ангажира Јовиќ, среќен сум поради таа одлука, се
надевам дека тоа издание ќе го повтори и кај нас кога ќе се врати, тој има
добра иднина пред него, истото важи и за останатите, тука секогаш постои силна
конкуренција, но тренерот нема никаква вина за да се критикува“ заклучи Зидан.