Мохамед Салах
игра во животна форма, несомнено во моментов е најдобриот фудбалер на светот, а
со таквото тврдење се согласуваат многумина, а дека е така можеби потврдуваат
зборовите на голманот на Ватфорд, ветеранот Бен Фостер.
Без оглед на
фактот што Египјанецот одигра фантастичен меч против Ватфорд во победата на „Редсите“
од 0-5, а постигна неверојатен гол при еден соло продор, фудбалерот на Ливерпул
по крајот на мечот го прашал Фостер еден важен детал во пресрет на новиот
предизвик, а тоа е Манчестер јунајтед, каде постигна хет-трик во победата од
0-5, но не доби шанса да бие од белата точка.
„Тоа што сакам да
го кажам во моментов се однесува на Мо Салах, околу тоа што тој ми го кажа по
крајот на мечот, а истото ме направи да се подзамислам: О, господе, ти си толку голем професионалец, сакаш
да бидеш уште подобар“ рече Фостер.
„Тие го добија
мечот со 0-5, а Салах мислам дека постигна еден гол на тој меч, а по крајот на
мечот дојде до мене, ја покри устата за да не ги прочитаат неговите зборови
камерите од околу, и ме запраша: Бен, Бен, доколку добиев пенал, на која страна ќе се обидеше да го
одбраниш?“ додаде тој.
„Си помислив
колку паметен човек, му реков дека би се обидел да ја одбранам десната страна,
бидејќи неговите пет последни пенали беа токму на таа страна, сите голмани
практикуваме да истражуваме на ова поле во однос на противниците за тоа на која
страна шутираат пенали, на крајот се насмеа и ми се заблагодари со тоа што ми
посочи дека сакал да знае, потребна му била таа информација, тој внимава дури и
на ситни детали во подготовките за следниот натпревар, токму затоа Мо Салах е
на врвот, тој е на врвот“ заклучи Фостер.