За натпреварот против Евертон, Солшер реши да ги остави Роналдо и Погба на клупата, го почна мечот без нив, двајцата влегоа во текот на второто полувреме и одиграа нешто повеќе од половина час.
Солшер е мета на критики, Манчестер јунајтед губи бодови на свој терен, а сега јавно се виде дека ниту Сер Алекс Фергусон не се сложува со замислите на Оле.
Во разговор со легендарниот УФЦ борец, Хабиб Нурмагомедов, Фергусон меѓудругото рече: „Но исто така мислам дека тие видоа дека Роналдо не игра…“.
Хабиб на тоа му одговори: „Но, тој влезе во второто полувреме“.
Фергусон рече: „Знам, но секогаш треба да стартувате со вашите најдобри фудбалери“.
Посебно втората реченица на Сер Алекс Фергусон се смета за директна критика кон Оле Гунар Солшер кој реши да не почне со Роналдо и Погба.
Роналдо по крајот на мечот беше видно нервозен, некои сметаат дека му е лут на Солшер затоа што му даде само половина час да игра.
Sir Alex Ferguson: “You should always start with your best players.” [IG: khabib_nurmagomedov via @MirrorFootball] pic.twitter.com/upAb461JyU
— UtdDistrict (@UtdDistrict) October 4, 2021