Вест Хем освои важни три бода откако дома го совлада Вулверхемптон со 2-1, победата беше посветена на Микаел Антонио, кој изминатиов викенд беше инволвиран во страшна сообраќајна незгода.
Лопетеги и О’Нил беа под огромен притисок во пресрет на денешниот натпревар, па медиумите пресметката помеѓу Вест Хем и Вулверхемптон ја најавија како „Ел Сакико“, меч кој ќе значи отказ за некој од двајцата тренери.
„Чеканите“ на крајот славеа со 2-1 и се чини дека Лопетеги ќе добие додатно време да ги оправи работите, а О’Нил ќе добие „клоца“.
По мирно прво полувреме, резултатот беше отворен во 54. минута, Соучек најдобро се снајде по еден корнер и ја затресе мрежата за 1-0.
Вулверхемптон изедначи преку Доерти во 69. минута, но Вест Хем веднаш одговори, Боуен мајсторски пласираше за 2-1 во 72. минута од мечот.
Двата гола на домаќините, како и победата, беа посветени на Микаел Антонио, кој изминатиов викенд беше инволвиран во страшна сообраќајна незгодна и кого го чека долга пауза поради повредите кои ги заработи.