„Тутоспорт“ тврди
дека Антонио Конте би можел да го напушти Интер на лето доколку клубот од
Милано не му гарантира нови засилувања во тимот, а Манчестер јунајтед и Тотнем
наводно се неговите потенцијални идни дестинации.
Интер во моментов
е на лидерската позиција на табелата во Серија А, со шест бода предност во
однос на градскиот ривал Милан, но и меч помалку.
Како и да е,
Интер доживеа елиминација во Лигата на шампионите сезонава уште во групната
фаза, со тоа што заврши на последното место на табелата во својата конкуренција
и не доби можност да се „пресели“ во Лига Европа.
Наводно Конте не
е задоволен од генералното инвестирање во клубот, а со оглед и на тоа што „Сунинг“
активно работи на тоа да продаде дел од пакетот акции во клубот, се чини дека
ќе биде тивко на трансфер пазарод во летниот преоден рок во однос на
активностите на „Нероаѕурите“.
„Тутоспорт“
најавува дека сево ова би можело да го натера Конте да си замине од клубот, за
што потсетува на сценариото со неговото заминување од Јувентус по освојувањето
на Скудетото во 2014 година.