Тухел не ја отфрла можноста за ангажман на Роналдо, но има други приоритети

Кристијано Роналдо уште не се приклучил на соиграчите на Манчестер јунајтед на подготовките, Португалецот сака да си замине од Олд Трафорд, а Челси е еден од клубовите со кои се поврзува.

Запрашан за Кристијано Роналдо, Тухел рече: „Не ја отфрлам можноста за потпишување со уште еден напаѓач, но тоа не е наш приоритет. Приоритет во моментов ни е дефанзивата, тоа не е тајна. Загубивме играчи на тие позиции и сега треба да ги замениме“.

Ридигер и Кристенсен го напуштија Челси, а на пат за заминување се и Аспиликуета и Алонсо, тоа е цела дефанзивна линија.

Челси го договори трансферот на Кулибали од Наполи кој треба да биде комплетиран денеска. Сините сакаат да го вратат и Нејтан Аке кој може да игра како централен дефанзивец но и како лев бек.