Палермо е
првопласираната екипа во првиот дел од сезоната во Серија Б, на тимот од
Сицилија засега одлично му оди во остварувањето на амбициите за сезонава кои
гласат брзо враќање во елитното друштво на Италија.
Кога го нема
Несторовски, тука е Трајковски, неколку меча капитенот на Палермо отсуствуваше
поради повреда, а на одличен начин го замени токму неговиот сонародник
Трајковски кој постигна три гола во 13 настапи во првиот дел од сезоната.
Говорејќи во интервју за
„Кориере дело Спорт“, Трајковски го истакна значењето на Несторовски во тимот
на Палермо, а додаде и дека тие еден на друг си се потребни во играта.
„Дали е можно бомбардер
со силен карактер како Несторовски да влијае над останатите напаѓачи? Тоа не е
моја работа. Јас секогаш сум го познавал него. Ние заедно сме и во националниот
тим, пријатели сме, кога тој дојде во Палермо јас бев премногу среќен. Во
Серија А ние бевме одличен тандем. Секој знаеше што ќе направи другиот, тој и
натаму продолжува да биде голем фактор во погодоците, тој е вистински лидер на
тимот. Кога беше повреден го заменував, тој ми е потребен во играта, а исто и
јас нему“ издвои Трајковски.
Извор: ilovepalermocalcio.com