Трагедија, почина 18-годишен руски фудбалер на среде натпревар!

Русија е погодена од веста за смртта на 18-годишниото Никита Сидоров, член на младинскиот тим на Знамија Труда.

„Докторите и брзата помош веднаш реагираа, се бореа за неговиот живот повеќе од еден час, но за жал не успеаа, го загубивме Никита. Тој беше најздравиот фудбалер во тимот“, изјави директорот на клубот, Михаил Пузанов.

Се верува дека причина за смртта на Сидоров е оштетување на мозокот односно церебрален аневризам, но ваквата информација треба да биде потврдена од извештајот од обдукцијата.