Милан синоќа освои три големи бода откако со 3-2 славеше на гостувањето кај Аталанта. Росонерите имаа водство и од 3-0, домаќините на крајот постигнаа два гола, но немаше време да се спасат од пораз.
„Можеби по вториот нивен гол почувствувавме мала анксиозност, но немаше уште многу време, па стравот не траеше долго“, вели Тонали.
„Почнавме многу моќно, со голема енергија. По мечот од Лигата на шампионите не очекувавме дека ќе имаме толку многу енергија за овој дуел, но дадовме се од себе и среќни сме со перформансите“.
Тонали беше исвиркуван од навивачите на Аталанта поради ривалството кое тие го имаат со Бреша, претходниот клуб на Тонали.
„Дадов гол против голем клуб и тој има посебно значење за менен, па секогаш ќе го паметам. Да дојдете во Бергамо и да водите 3-0, тоа значи дека сте топ тим. Среќни сме“.
Последен пат Милан освоил 19 бодови од првите седум кола кога го освоиле Скудетото во 2003-2004.
„Бев премногу млад тогаш. Не се сеќавам на тоа. Единствената цел на Милан оваа сезона е Скудетото“.