Ламин Јамал не успеа да остане смирен по провокациите од дефанзивецот на Хетафе, Абделкабир Абкар, на дуелот од осмото коло во шпанското првенство.
Во еден прекин на играта, мароканскиот фудбалер му се приближи на младиот ас на Барселона и почна да го провоцира поради неговото потекло, повторувајќи му дека сака да настапува за репрезентацијата на Мароко.
„Ламин, Ламин, ти сакаш да играш за Мароко. Го знам тоа“, му довикувал Абкар, повторувајќи ги истите зборови неколкупати.
Јамал очигледно беше изнервиран од ваквото однесување, па го турна и се обиде да се тргне од ситуацијата. Сепак, дефанзивецот на Хетафе не се откажа и продолжи да го следи и да го провоцира, по што фудбалерот на Барселона повторно реагираше со туркање. Потоа се оддалечи и го прекина директниот конфликт.
🚨🗣️| Jugador del Getafe a Lamine Yamal: «¡Lamine, tú quieres jugar con Marruecos, tú quieres!» 😭💀🇲🇦 #LamineYamal #FCBarcelona https://t.co/BiAVc7cb6K
— 🌍 Mundo Barça (@MundoBarcaNews) October 13, 2026