Дефанзивецот на
Ајакс, 28 годишниот Николас Таљафико признава дека е почестен од тоа што за
неговите услуги интерес пријавува италијанскиот прволигаш Интер, а додава дека
неговиот идол на сите времиња е токму легендата на тој клуб, Хавиер Занети.
„Неверојатно е
тоа што ме поврзуваат со таков тим, со таква голема историја, можам слободно да
ви кажам дека мојот идол на сите времиња е Хавиер Занети“ вели Таљафико.
„Тој целата
својата кариера ја одигра во дресот на Интер, овој интерес не можам а да не
кажам дека е чест и задоволство за мене, но, јас сум реална особа по повеќе
теми во животот, па така денеска преферирам да се фокусирам единствено на
сегашноста“ додава тој.
„Во моментов го
уживам секој момент во Ајакс, а потоа ќе видиме што ќе се случи во иднина“
подвлекува Аргентинецот кој има и италијански пасош.
Таљафико има
активен договор со Ајакс со важност до 2023 година, а сезонава на 22 настапи за
холандскиот тим успеа да постигне еден гол, но и две асистенции.