Бекот на
италијанскиот прволигаш Рома, Леонардо Спинацола вели дека е целосно фокусиран
на рехабилитационата фаза за враќањето од повредата, а го заобиколи прашањето околу одбивањето на Интер да го ангажира при ланската речиси договорена трампа.
„Во моментов имам
се’, среќен сум, но имав и
тажни моменти, но веднаш се насочувам на случувањата пред себе и не жалам за
себе“ вели Спинацола во изјавата за „Кориере дела Сера“.
„Не сите зла
доаѓаат да ви наштетат“ рече тој откако за момент со само една кратка реченица го заобиколи прашањето за денот кога Интер одби да го ангажира поради сомневањата во неговата физичка подготвеност, а беше предвидена трампа помеѓу Рома и Интер во која вклучени беа токму Спинацола, но и Политано.
„Мурињо ми се јави телефонски пред мечот со Турција, а
ми постави две прашања: Дали
си уплашен или си силен? Дали се плашиш или си подготвен? Јас во тие
моменти му одговорив дека сум подготвен, дека едвај чекам да почнам“ додаде 28
годишниот Спинацола.