Предводникот на
Манчестер јунајтед, Оле Гунар Солшер го обвини својот ривал од клупата на
Ливерпул, Јирген Клоп за тоа што неговиот тим не добива пенали за време на
натпреварите, а Норвежанецот додава дека треба само да го добијат тоа што
всушност го заслужуваат.
„Ние само се
надеваме дека ќе го добиеме тоа што всушност го заслужуваме“ рече Солшер на
пресконференцијата во пресрет на мечот со Астон Вила викендов на домашен терен
во шестото коло од Премиерлигата.
„На последните
два меча требаше да добиеме три пенали, еден тренер ланската година почна да се
грижи околу тоа колку ние сме добивале пенали, а по сето тоа, се чини дека
одлуките да се досуди пенал во наша полза се тешки за носење“ додаде
Норвежанецот, кој не го спомена името на Клоп, но и повеќе од јасно е кон кого беше адресирана оваа порака.
„Увидов огромна
разлика од тогаш, но мораме сево ова да го оставиме на судиите, а воедно и да
се надеваме дека тие ќе носат правилни одлуки наскоро“ заклучи тренерот на
Манчестер јунајтед.
Клоп во јануари
годинава обвини дека Манчестер јунајтед има посебен третман во казнените
простори, сугестирајќи на тоа дека ривалот добил повеќе пенали од сиот негов
период во Ливерпул.