Шок за Франција, Унгарија извади реми против Светскиот шампион! (ВИДЕО)

Франција важеше за голем фаворит против Унгарија која овој меч го играше на домашен терен во Будимпешта пред полн стадион.

Французите напаѓаа, Унгарија се бранеше и се обидуваше од контра напади да постигне гол.

При една таква ситуација во 45. минута Фиола постигна гол за делириум на гледалиштето и водство на Унгарија од 1-0.

Во вториот дел Франција тргна уште поодлучно, овој пат кон израмнување и тоа се случи во 66. минута кога една одбиена топка дојде до Гризман, тој постигна погодок за 1-1.

До крајот на натпреварот Франција со сите сили се бореше да го сврти резултатот и да дојде до победа, но Унгарија ги издржа притисоците и на крајот заслужено се радуваше на бод.