Сити доминираше но еден доцен гол на Ватфорд донесе нервозна завршница на „Викариџ“ (ВИДЕО)

„Граѓаните“ забележаа нова победа, жртва им беше Ватфорд. Шампионот на Англија доминираше во текот на целиот меч, на пауза замина со предност од 0-1 со голот на Сане, а на стартот од вториот дел Марез погоди за 0-2.

Но кон финишот на мечот Ватфорд намали на 1-2, Дукуре го совлада Едерсон и ги направи последните минути од мечот интересни. Домаќините притиснаа, Манчестер Сити се бранеше а Пеп Гвардиола нервозно шеташе крај аут-линијата.

Сепак Ватфорд не успеа да креира нова шанса, па Манчестер Сити си замина со три бода.

На преостанатите денешни мечеви, домаќините имаа целосна доминација. Брајтон со 3-1 го совлада Кристал Палас, со истиот резултат Вест Хем славеше над Кардиф, а Борнмут со 2-1 триумфираше над Хадерсфилд.