Во рамките на 29. коло во Првата македонска фудбалска лига се одиграа пет натпревари, а најмногу внимание привлече напуштањето на мечот Гостивар – Работнички од страна на домашните при гостинска предност од 1-2.
Што се однесува до головите, најефикасно оваа рунда беше во Тетово каде што Шкендија се судри со Шкупи (3-3). Четири гола паднаа на саботниот дуел меѓу Вардар и Беса (3-1), додека три имаше во Маџари пред Гостивар да го напушти мечот. За понеделник беше закажан дуелот на Брера и Воска, ама струмичани ќе го добијат службено откако ривалот најави повлекување од лигата.
