Салихамиџиќ е во Торино во обид да го договори мега трансферот на Де Лихт вреден 90 милиони евра

Според „Билд“, Баерн Минхен веќе ги договорил личните услови со Де Лихт. Тој би потпишал петгодишен договор со германскиот гигант за годишна плата од 10 милиони евра.

Баерн Минхен е подготвен да плати 90 милиони евра за да го добие Де Лихт. 75 милиони евра би биле платени веднаш, а 15 милиони евра во лесно достижни бонуси.

Во трката по Де Лихт е и Челси, па задачата на Салихамиџиќ е уште денеска да се договори со Јуве и да ги елиминира сите шанси конкуренцијата да им го украде дефанзивецот.

На Јувентус му одговара побрзо да го продаде Де Лихт со што дел од парите да ги пренасочи на комплетирање на трансферот на Заниоло.