Роналдо: Имавме и малку среќа на крајот, но никогаш не се предаваме

Роналдо третпат по ред со голови во финишот во Лигата на шампионите го спасува Манчестер јунајтед. 

„Ова беше тежок натпревар, знам дека секогаш е тешко да се игра во Бергамо, но верувавме до крај и среќен сум“, вели Роналдо.

„Никогаш не се предаваме, веруваме до крај и ова е добар резултат за нас. Почетокот беше тежок, знаевме дека Аталанта ќе прави голем притисок, тие имаат фантастичен тренер, кога играв со Јувентус секогаш ни беше тешко против нив“.

„Имавме и малку среќа на крајот, но тоа е фудбалот. Треба уште да напредуваме, имаме различни фудбалери, различен систем, треба да се адаптираме еден на друг, но потребно е време. Имаме време да напредуваме и да бидеме подобри“.