Рома славеше со убедливи 4-0 против Фиорентина и стигна до важни три бода во трката за топ четири пласман и место во Лигата на шампиони.
Последните три кола во Серија А ќе донесат интересна битка за местата кои водат во Лигата на шампиони.
Рома ги искористи киксовите на Милан и Јувентус, вечерва ја декласираше Фиорентина со 4-0 и сериозно се наметнува за топ четири пласман.
Манчини ја најави победа со гол во 13. минута, Весли Франка зголеми на 2-0, а Ермосо се погрижи на пауза да се замине со резултат 3-0. Во продолжението од мечот, Писили стрелаше за 4-0 и го постави конечниот резултат.
Со оваа победа, Рома стигна до 64 бода, еден помалку од Јувентус и три помалку од Милан.
Претходно денеска, Лацио со пресврт стигна до 1-2 на гостувањето кај Кремонезе и му направи голема услуга на Лече во битката за опстанок.