Шпанскиот гигант Реал Мадрид вечерва ќе гостува на „Енфилд“ во дербито од Лигата на шампионите против Ливерпул, а вчера дел од раководството и играчите на клубот оддадоа почит на трагично загинатиот поранешен фудбалер на „црвените“, Диого Жота.
Делегацијата на „кралскиот клуб“ беше предводена од тренерот Чаби Алонсо и англискиот репрезентативец Трент Александер-Арнолд, двајца поранешни членови на Ливерпул, како и од директорот Емилио Бутрагењо и дефанзивецот Дин Хујсен.
„Пријателе мој, Диого… Многу ни недостасуваш, но љубовта кон тебе останува иста. Споменот за тебе и Андре ќе живее засекогаш“, стоеше во емотивната порака што ја упати Александер-Арнолд.
Да потсетиме, Жота трагично го загуби животот во јули годинава во сообраќајна несреќа заедно со својот брат Андре.
Xabi Alonso, Trent, Huijsen and Emilio Butragueño paid tribute to Diogo Jota the day before the match between Liverpool and Real Madrid. pic.twitter.com/Z35k4fz3N0
— Real Madrid C.F. 🇬🇧🇺🇸 (@realmadriden) November 3, 2025