144
Големи три бода за Реал Мадрид, победа над најголемиот ривал и тоа на негов терен. Карло Анчелоти ја доби битката со Роналд Куман.
Резултатот беше отворен по една убава акција во 32. минута, Давид Алаба со својот прв гол во дресот на Реал Мадрид му донесе водство на својот тим од 1-0.
Барселона се обидуваше да дојде до израмнување, но тешко создаваше шанси за гол.
При една контра во 93. минута Асенсио шутираше, Тер Штеген го одбрани неговиот удар но топката дојде до Лукас Васкез кој даде гол за предност на Реал Мадрид од 2-0.
Но тоа не беше се, во 97. минута по асистенција од Дест, Агуеро даде гол за 2-1. Негов деби погодок за Барселона.
Немаше време за спас од пораз, брзо дојде последниот судиски свиреж по кој почна радоста на Реал Мадрид.