Во вистински хит на социјалните мрежи се претвори потегот на досетлив навивач на Евертон, кој со малку креативност и многу трпение успеа да приреди мајтап за паметење на сметка на лутите ривали од Ливерпул.
Според објава што брзо се прошири на социјалните мрежи навивачот купил дури 10.000 сини факели и четири недели внимателно ги префарбувал етикетите во црвена боја за да им изгледаат „совршено“ за славеничката атмосфера на Ливерпул. Потоа, факелите им ги продал на навивачите на Ливерпул, кои, во еуфоријата по освојувањето на титулата, не забележале што навистина купуваат.
Така, додека трибините на „Енфилд“ синоќа блескаа во боите на прославата, дел од славениците не ни знаеа дека всушност користат факели во традиционалната сина боја на најголемиот градски ривал.
An Everton fan bought 10,000 blue flares and spent the last 4 weeks taking the blue labels off them and putting red labels on them before selling them to Liverpool fans for today 🤣🤣🤣
— The City Shack (@thecityshack) April 27, 2025
Here’s Liverpool fans setting them off during You’ll never walk alone 🔽 👏🏼 pic.twitter.com/OkpkuFr0Y3