Англиските фудбалски критичари речиси се едногласни дека Оле Гунар Солшер не е вистинскиот тренер за Манчестер јунајтед.
Неодамна Гери Невил рече дека Јунајтед не може да ја освои Премиерлигата бидејќи победите доаѓаат поради индивидуални квалитети на поединци, а не поради некоја препознатлива тимска игра. А тоа не носи континуитет на добри резултат.
Сега поранешниот играч на Арсенал и сегашен фудбалски критичар на „Скај Спортс“, Пол Мерсон е уште подиректен во критиките кон Оле.
„Да го земеме за пример мечот против Астон Вила на Олд Трафорд. Немате потреба против нив да играте со двајца дефанзивни играчи за врска. Треба да одиграте многу поофанзивно. Доколку јас сум на нивно место, од составот кој го извади Оле ќе заклучам дека тие ни се плашат нас“, вели Мерсон.
„Разбирам така да игра против Сити или Челси, но Астон Вила е тим од средината на табелата и вие играте со двајца дефанзивни фудбалери за врска“.
„Доколку Томас Тухел, Јирген Клоп или Пеп Гвардиола беа тренери на овој тим на Манчестер јунајтед ќе ја имаа секоја шанса да ја освојат Премиерлигата“.
„Но, јас уште првиот ден реков дека со Оле Гунар Солшер нема шанси да ја освојат Премиерлигата“.