Погба дојде како големо засилување за Манчестер јунајтед, но не покажа ништо. Се мислеше дека проблем е Мурињо, но под водство на Оле Гунар Солшер французинот игра уште полошо и е блиску до заминување од Олд Трафорд.
„Погба постојано зборува за заминување од Манчестер јунајтед, па според мене подобро е да си замине“, вели Андреј Канчелскис, кој има одиграно 172 натпревари за клубот од Олд Трафорд.
„Ако секогаш велиш „Не ми се допаѓа ова, не ми се допаѓа, сакам да си одам“, тогаш оди си веќе. Оди, замини. Не е проблем“.
„Се разбира Рајола е голем проблем, тој постојано вели дека Погба не е среќен во Манчестер јунајтед“.
„Ако сакаш да дојдеш и да играш за Манчестер јунајтед, треба да го отвориш срцето, да играш со 100 проценти. Штета е што кај Погба не е така бидејќи е одличен фудбалер“.