Погба одлично ја почна сезоната, но потоа го загуби стартниот статус, па неколку натпревари почна од клупата. Така беше и на големото дерби против Ливерпул.
Погба во игра влезе во второто полувреме и за кратко време заработи директен црвен картон поради опасен старт врз Кеита.
Според „Дејли Мејл“, Погба не зборувал со Солшер по мечот во соблекувалната, го игнорирал Норвежанецот, наводно му е лут затоа што го става на клупата. Но, Французинот им се извинил на соиграчите за црвениот картон.
Оле Гунар Солшер полека ја губи соблекувалната, се повеќе фудбалери на Јунајтед немаат доверба во него и сакаат тренерска смена. Еден од нив е Погба.
Погба важи за проблематичен фудбалер, имаше проблеми со Жозе Мурињо, има и сега со Солшер.
Договорот на Погба со Манчестер јунајтед истекува по завршувањето на оваа сезона, се уште е нејасно дали ќе потпише нов договор или ќе замине.