Актуелниот договор на Инсиње со Наполи истекува по крајот на оваа сезона. Клубот му нуди нов договор со годишна плата од 4,6 милиони евра по сезона, но тој бара 7 милиони евра.
Разликата е прилично голема за да се дојде до компромис, па веројатно Инсиње ќе замине од својот Наполи и ќе облече друг дрес од наредната сезона.
Како заинтересирани за Инсиње се истакнуваат Манчестер јунајтед и Интер, но се верува дека нероазурите се фаворити. Наводно тие скроиле и план како да делуваат за да го ангажираат.
Интер знае дека е лошо уште сега да се пуштаат шпекулации за нивен интерес за Инсиње, па планираат да молчат, не сакаат да создадат војна на транфер пазарот со други клубови. Во овој период ќе се насочат кон продолжување на договорите на Брозовиќ и Барела, а кога ќе дојде јануари ќе нападнат за да го ангажираат Инсиње.
Од јануари Инсиње ќе може слободно да преговара со други клубови, па Интер планра тогаш да стапи во директен контакт со фудбалерот и брзо да го убеди да потпише преддоговор и следното лето да го облече сино-црниот дрес.