Пеп за Белингем: Не ми се верува, можеби лаже, премногу е добар за 17 години!

Играчот кој минатата сезона играше за Бирмингем кој заврши на 20. место во Чемпионшип, сега импресионира во дресот на Дортмунд.

Тој го постигна единствениот гол вечерва за Борусија Дортмунд, а погоди и во Манчестер но погодокот тогаш му беше поништен.

Белингем стана најмладиот Англичанец кој постигнал гол во нокаут фазата од Лигата на шампионите, и вториот најмлад воопшто кој дал гол во елиминациите од престижното натпреварување.

Пеп Гвардиола имаше голема пофалба за Белингем.

„Не можам да верувам дека има само 17 години, можеби лаже. Премногу е добар“, изјави Гвардиола по мечот.

Пофалба стигна и од тренерот на Борусија Дортмунд, Един Терзиќ.

„Единствената работа која не ја знаеме за Џуд Белингем, е неговиот лимит“, вели Терзиќ.