Пандев и Елмас немаат земено плата за септември, дури пет клубови од Серија А доцнат со исплати, но ги користат правилата

Поради пандемијата на ковид-19, Серија А донесе одлука дека клубовите септемвриската плата може да ја исплатат најдоцна до 1 декмври.

Ваквата одлука придонесе неколку клуба до последен миг да чекаат за да им дадат плата на фудбалерите за септември.

„Газета дело Спорт“ пишува дека Наполи, Лацио, Беневенто, Џенова и Сампдорија се уште немаат исплатено плата, доколку не го направат тоа во наредните три дена ќе се соочат со казна, одземање на бодови.

Информациите велат дека Болоња, Кротоне, Интер, Парма и Рома им платиле на фудбалерите за септември, а Аталанта, Каљари, Фиорентина, Јувентус, Милан, Сасуоло, Торино, Удинезе и Верона имаат исплатено и за октомври.