По десет одиграни натпревари Милан има девет победи и едно реми, вкупно собрани 28 бодови од можни 30.
Ваков скор клубот имал уште еднаш во историјата по одиграни десет меча, тоа се случило во сезоната 1954-1955.
„Знам, свесен сум за тоа и многу ги почитувам овие момци“, изјави Пиоли на констатацијата дека Милан ваков старт немал од 1954 година.
„Торино е во одлична форма и игра добар фудбал. Во втрото полувреме игравме можеби премногу длабоко, но внимававме да немаме ризици освен некои од прекини“.
„Доколку сакаме да играме одреден тип на фудбал, потребен ни е интензитет. Природно, тешо е да се тренира кога имате меч на секои три дена, но тоа беше битка со многу дуели на секој дел од теренот, некои ги добивме, некои ги загубивме“.
„Имаше тешки моменти во второто полувреме, но успеавме да ги освоиме трите бода и тоа е многу важно“.
„Многу е тешко да се игра против екипи како Торино, Верона и некои со сличен стил, се надевам дека на следните мечеви со други противници ќе биде поинаку“.