Славниот аргентински клуб, Бока јуниорс се посрамоти откако одигра само 1-1 против полуаматерскиот тим на Оукленд Сити.
Бока поведе со автогол на Гароу во 26. минута, а Греј по седум минути игра во второто полувреме изедначи на 1-1.
Причина за падот на Бока во текот на мечот беше прекинот на овој дуел поради невреме по кој веќе беше јасно дека Баерн Минхен и Бенфика продолжуваат во осминафиналето.
Фудбалерите на Бока во текот на мечот сфатија дека се елиминирани, па мотивацијата им падна на најниско ниво.
Како и да е, Оукленд слави сензационален резултат, никој не можеше да поверува дека тие може да си заминат од Светското клупско првенство со бод, особено не по поразот од 10-0 од Баерн Минхен.
