Минатата недела,
12 гиганти од Шпанија, Англија и Италија соопштија дека ќе формираат Суперлига,
но притисокот од навивачите и властите беше голем, па во рок од 48 часа пропадна
целиот проект откако Арсенал, Тотнем, Манчестер јунајтед, Манчестер Сити,
Ливерпул, Челси, Интер, Милан и Атлетико Мадрид соопштија дека се повлекуваат.
Претседателот на
Реал Мадрид Флорентино Перез, кој е прв човек на новото натпреварување, потоа
изјави дека никој официјално не ја напуштил Суперлигата, односно никој не ги
платил пеналите за повлекување од проектот.
Според шпанскиот
весник Возпопули казната е „дебела“, односно секој клуб кој ќе се
откаже од Суперлигата ќе треба да плати околу 300 милиони евра. Сумата е
прилично висока бидејќи новото натпреварување е финансирано со заем од 3,2
милјарди евра од ЏејПи Морган.
Сепак, Марка
повикувајќи се на извори од Суперлигата вели дека оваа бројка не е точна, додека
пак генералниот извршен директор на Арсенал, Винаи Венкатешам вели дека пеналите
за повлекување од проектот се околку 9 милиони евра.
Ahora, en PORTADA | Los clubes que dejen la Superliga de Florentino Pérez deberán pagar 300 millones de euros https://t.co/nIPoOlXuUm pic.twitter.com/mW64a7HoEe
— Vozpópuli (@voz_populi) April 23, 2021