Олмо за Барселона: Немаше ниту доволно време да се размисли за трансфер, се’ се случи толку брзо

Барселона се
обиде да го ангажира Дани Олмо во самата завршница од летниот преоден рок,
меѓутоа Каталонците не успеаа да го доведат 23 годишниот шпански
репрезентативец во сопствените редови.

Олмо самиот тврди
дека се’ се случувало толку
брзо што тој немал ниту време да размислува за трансфер.

„Не постоеше
доволно време ниту да се размислува за трансфер, се’ се случи толку брзо“ вели Олмо.

„Засега посветен
сум на актуелната сезона со Лајпциг, убаво се чувствувам во овој клуб“ додаде
Шпанецот.

„Навистина сакам
да играм, уживам во играта тука, убаво е да се учествува во интернационални
натпреварувања повторно, тоа е мојата најголема мотивација“ заклучи Олмо кој во
петте настапи за германскиот прволигаш запиша три асистенции.