По ремито на „Сент Мерис“, на големо се пишуваше дека Жозе Мурињо жестоко го нападнал Пол Погба, и пред целиот тим го нарекол вирус.
„Ти си како човек со грип, со вирус, во затворен простор, го пренесуваш вирусот на другите. Не играш, не ги почитуваш останатите играчи и навивачите, и го убиваш менталитетот на добрите и искрените луѓе околу тебе“ – се наводните зборови кои Мурињо му ги упатил на Французинот.
Сега медиумите од Англија откриваат повеќе детали од тоа што се случувало во соблекувалната.
Според пишувањата на „Тајмс“, Погба одговорил на критиките на Мурињо, и му кажал дека немал на кого да подаде поради лошата тактика и стилот на игра кој го негува Португалецот.
Погба не реагирал бесно на навредите, и со смирен тон го кажал своето мислење.