Шпанија во вторто коло дојде до првата победа на Олимписките игри, ја совладаа Австралија со 1-0, а стрелец на единствениот гол беше Ојарзабал во 81. минута од натпреварот.
Во оваа група со идентични 1-0, Аргентина го совлада Екипет.
Шпанија има четири бода на првото место, Австралија и Аргентина имаат по три бода, Египет е последен со бод.
Бразил одигра 0-0 против Брегот на Слоновата Коска, а Германија со 3-2 ја совлада Саудиска Арабија.
Прв е Бразил со четири бода, толку има и Брегот на Слоновата Коска, Германија има три бода, Саудиска Арабија е без бодови.
Германија за да оди во четвртфиналето ќе мора да ја победи селекцијата на Брегот на Слоновата Коска во последното коло.
Во драматичен меч Франција извојува тешка победа од 4-3 над Јужна Африка, Жињак со хет-трик беше херој на Французите. Јапонија со 2-1 го совлада Мексико.
Јапонија е прва со шест бода, Мексико и Франција имаат по три, Јужна Африка нема бод.
Најубедлива денеска беше Јужна Кореја која со 4-0 ја совлада Романија, Хондурас со 3-2 беше подобар од Нов Зеланд.
Во оваа група сите репрезентации имаат по три бода.